Halar og frænkur

My grandfather went on the Red
to the city
to get some sugar and bread
fitty-fitty…

Þrátt fyrir þétta ösku á föstudag og laugardag var bara helvíti fínt að henda sér í bústað yfir helgina. Það eina sem askan gerði var að minnka útiveruna og í staðinn var bara meiri leti sem hlýtur að vera jákvætt fyrir alla. Ekki það að við bræðurnir vorum ekki í mikilli leti á sunnudagsmorgun þegar við reimuðum á okkur skóna og héldum af stað meðfram vatninu á tveimur jafnfljótum. Hlupum 13km í norð-austur, snérum þar við og hlupum til baka aftur. Það skal að vísu viðurkennast að síðustu 3-4 kílómetrarnir voru helvíti erfiðir, sérstaklega eftir brekkuna sem við þurftum að fara upp eftir rúma 20 kílómetra sem var í þokkabót allavega kílómetri að lengd. En þetta hafðist og þá er bara næsta mál á dagskrá, 29 kílómetrar um næstu helgi… 😉

Í gær gerðist ég svo frægur að spila á móti ekki ómerkari manni en Eyjólfi Sverrissyni fyrrum fyrirliða íslenska landsliðsins í knattspyrnu.  Ég vildi að ég gæti sagt að ég hefði klobbað hann, sólað og rústað en það var ekki alveg raunin þar sem hans lið var svona átta númerum of stórt fyrir okkur Þróttarana og unnu leikinn nokkuð örugglega 8-3.  En þetta var hinsvegar prýðileg skemmtun þrátt fyrir niðurlæginguna og Jolli var léttur á því, klárlega heiðursmaður þar á ferð… 🙂

Svo fékk ég óvæntan glaðning í nótt þegar Elín vaknaði klukkan þrjú, stóð upp í rúminu sínu og orgaði næsta hálftímann.  Það eina sem ég gat gert var að leggja hana niður aftur en hún var jafnharðan staðin upp að nýju og tók alltaf aftur til við orgið.  Að lokum hafði ég betur og hún sofnaði aftur en þá vildi ekki betur til en svo að ég fékk massíft hóstakast.  Hef verið með þurran og leiðinlegan hósta undanfarna viku eða svo, held helst að öskunni sé um að kenna.  Lenti í því sama aðfararnótt mánudags og þegar ég gafst loksins upp klukkan hálf þrjú og ætlaði að rjúka í Lyfju Lágmúla þá greip ég í tómt þar sem þeir eru víst hættir með næturopnun, melirnir.  Eina ráðið var því bara að dúndra í sig Kodimagnyl sem heppilega leysti vandann og gerði slíkt hið sama aftur í nótt.  Eiginlega alveg glatað að loksins þegar kemur sumar hérna á skerinu þá kvefast ég, greinilega ekki alveg eðlileg líkamsstarfssemin hjá kallinum.  Eigum við ekki bara að kenna Dabba um það, eins og allt annað…? 😉

Svo kom út nýr iPhone í gær, me wants!!! 😀

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s

%d bloggurum líkar þetta: