Góð góa

Ég vil meina að það hafi orðið ákveðin kaflaskil í gær/nótt.  Elín Dögg Þórhallsdóttir fór að sofa klukkan átta í gærkvöldi, vaknaði svo 23:30 og fékk að drekka en svo heyrðum við bara ekki múkk í henni fyrr en 6:20 í morgun!  Skvísan svaf semsagt næstum sjö tíma í einum rykk og setti nýtt Elínarmet í svefni með frjálsri aðferð.  Foreldrarnir voru að sjálfsögðu gríðarlega ánægðir með þessa frábæru frammistöðu enda gerði þetta það að verkum að þeir gátu báðir sofið á sínu græna eyra nánast í alla nótt!  Nú er bara að vona að þetta hafi ekki verið eitthvað ‘one-time-thing’ heldur verði áframhald á þessu í nótt og næstu nætur.  Spurning hvort að þetta sé tilkomið vegna þess að hún er farin að borða helling af graut á kvöldin áður en hún fer að sofa.  Ef hún er eitthvað lík föður sínum er allavega klárt að hún borðar það mikið að hún verður afvelta, leggst fyrir og sofnar í kjölfarið… 😉

Annars fékk ég gríðarlegt sjálfsógeð í gær þegar við komum heim rétt fyrir sex.  Vorum þá búin að vera í bústað alla helgina með tilheyrandi saurlifnaði, gos, nammi, kökur og snakk þar til það fór að vella út um eyrun.  Ég ákvað því að refsa mér all duglega fyrir stjórnleysið og henti mér í hlaupatúr í gærkvöldi.  Þegar uppi var staðið hafði ég lagt ca. fjórtán og hálfan kílómeter að baki (get ekki alveg vitað nákvæma tölu því GPS dæmið á símanum gaf sig eftir 12.3 km).  En þetta gerði svo sannarlega gæfumuninn, sjálfsógeðið hvarf eins og dögg fyrir sólu og nú verður bara haldið áfram á sömu braut auk þess sem mataræðið verður tekið rækilega til endurskoðunar (famous last words)… 🙂

Plan dagsins: Fundur klukkan níu (done), fundur klukkan tíu (done), hádegismatur (in progress), fundur klukkan tvö (maybe postponed), heimferð (pending), kvöldmatur (vííí), fótbolti (vííííííí)

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s

%d bloggurum líkar þetta: