Þrjú tonn af sandi!

Andrés fær nóg.  Mótatimbur, í heilan skóg!  Ah, textagerðin hérna í den var sko aldeilis til stakrar prýði og eftirbreytni.  Sérstaklega þegar þetta er borið saman við upprunalega lagið hans Elvis.  Það vill einmitt svo skemmtilega til að það var einmitt þemalag síðustu helgi þar sem Elvis var blastaður um skóga Svíþjóðar og þá oftar en ekki einmitt þetta lag (þ.e. Return to Sender).  Það var sko aldeilis spilað þarna í Svíaríki, ekki bara Elvis heldur líka á spil, Pictionary, Trivial og meira að segja á gítar!  Auk þess var étið óhoflega af allskonar gúmmelaði auk þess sem nóg var af drykkjarföngum (áfengislaust fyrir kallinn, auðvitað).  Þessi helgi var semsagt hin besta skemmtun og spurning um að henda sér aftur við tækifæri, náðum allavega að slaka VEL á… 😀

En svo tók hversdagsleikinn við strax á mánudaginn, ég settist við tölvuskrjóðinn og Þórunn fór í skólann að nema taugalækningar og í það hefur þessi vika basically farið.  Hef að vísu verið helvíti duglegur við að fara á fótboltaæfingar og eiginlega er kvöldið í kvöld fyrsta kvöldið í vikunni þar sem er EKKI fótboltaæfing.  Spurning um að ég fari bara að skokka í staðinn, gengur ekki að sitja aðgerðarlaus öll kvöld, bora í nefið og glápa á sjónkann! 😀

Talandi um það, spurning um að fólk sé með athyglina á réttum stöðum.  Svo er þessi auglýsing líka nokkuð nett, textinn (á auglýsingunni) er fyrir neðan myndina, samt alveg á gráu að sýna gaur en ekki gellu ;)!  Og fyrir ykkur sem fylgist með „Hvernig ég kynntist móður ykkar“ þá er þessi síða auðvitað algjör snilld, fyrir þolinmóða þá er um að gera að hlusta á lagið til enda, allar 20 mínúturnar!  Svo er auðvitað ekki úr vegi að henda sér og lesa bloggið hans „Bjarna“ í kjölfarið, alltaf með góð ‘ráð’ fyrir ástsjúka.  Svo fékk ég þessa snilld senda með netpósti frá guðdóttur nr. 1, greinilegt að hún hefur húmorinn okkar bræðranna… 😉

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s