Mojn!

Tilkynningarskyldan er mætt á svæðið, eiginlega bara svo að tengdó fari ekki að kvarta í mér. Verð víst að halda henni góðri svo ég fái að sofa á svefnsófanum í sumar. En hvað hefur gerst síðan 24. maí? Það er eiginlega alveg slatti! Bara spurning á hverju maður á að byrja…

Getur einhver sagt mér af hverju kona sem er áttundi þingmaður síns kjördæmis og er þriðji maður á lista í sínum flokki verður samt sem áður ráðherra. Getur ástæðan verið sú að hún er fyrrverandi Kvennalistakona og besti vinur formannsins? Er eðlilegt að einstaklingur sem nær ekki hærra í prófkjöri eigin flokks sé samt verðlaunuð með því að vera gerður að ráðherra þegar það er augljóst að hvorki félagsmenn í flokknum né almennir kjósendur standa ekki á bak við mann? Það getur stundum borgað sig að vera besti vinur aðal…

Annars er ég bara nokkuð sáttur við nýju ríkisstjórnina (fyrir utan þessa Kvennalistaskruggu). Hefði samt frekar viljað sjá Bjarna Ben sem ráðherra á kostnað Bjössa Bjarna sem var alveg kominn á tíma (alveg óháð því hversu oft hann var strikaður út). Sem minnir mig á annað. Hvernig getur það talist vilji þjóðarinnar þegar 17% þeirra sem kjósa tiltekinn flokk strika frambjóðanda út vilja ekki að viðkomandi komist á þing? Er það ekki frekar vilji 83% þeirra sem kusu viðkomandi og strikuðu hann ekki út að hann verði einmitt þar inni? Sá sem lærði tölfræði og var kennt að 17% væri meira en 83% (í sama úrtaki btw) var sennilega sofandi í skólanum eða með greind á við amöbu…

Ég lenti svo í mjög óskemmtilegri reynslu í síðustu viku á leiðinni heim af æfingu (það er btw algjör snilld að hjóla á og af æfingu!). Ég fór semsagt O2 og ákvað að fara yfir brúna við Islands Brygge og þá leiðina heim. Þegar ég er á miðri brúnni tek ég allt í einu eftir því að framdekkið er orðið eitt lint og þegar ég fer að kanna málið betur og tek úr mér heyrnartólin (er alltaf með tónlist á hjólinu) þá heyri ég að það lekur úr dekkinu af miklu offorsi. Við nánari eftirgrennslan sé ég að stærðarinnar glerbrot hafði stungist á bólakaf í gegnum dekkið og gert gat á slönguna! Ég hafði því ekki um annað að velja en að labba með hjólið á næstu lestar/metróstöð sem var dágóður spotti. Til að gera málið enn verra var ég auk þess bara í stuttbuxum og stuttermabol og fljótlega eftir að ég var byrjaður gönguna byrjaði að rigna! En ég hafði það að lokum á metróstöð, skildi hjólið eftir niðri í bæ og komst svo loksins heim, rúmum klukkutíma eftir að ég lagði af stað af æfingu…

En sagan endar ekki hér því daginn eftir ætlaði ég að fara með hjólið í Jupiter (þar sem hjólið er keypt) og láta þá skipta um dekk fyrir mig. Ég fór því í hádeginu að sækja hjólið á Kongens Nytorv (þar sem ég skildi það eftir) og þurfti svo að labba með það upp á Gammel Kongevej þar sem næsta Jupiter búð er staðsett. En þar sem Danir eru rómaðir fyrir ‘góða þjónustu’ þá var að sjálfsögðu ekki hægt að láta þá gera þetta fyrir mig og mér sagt að ég gæti reynt eftir helgi (þetta var á miðvikudegi btw) eða ég gæti bara keypt varahlutina og gert þetta sjálfur! Nú, ég gerði það auðvitað og þurfti þá að labba með hjólið aftur til baka í lest, svo í metró og svo heim. Skipti svo sjálfur um dekkið (tók lítinn tíma) og málið er dautt…

En það er kannski óhætt að segja að fall sé fararheill því að það hefur gengið töluvert betur í fótboltanum undanfarið því að við erum svo sannarlega komnir á sigurbraut og höfum unnið tvo leiki í röð! Það var svo sannarlega kærkomið því að maður var farinn að gleyma hvernig sigurtilfinningin er sem er eitthvað sem maður er ekki vanur hérna í Kaupmannahöfn. Vona bara að við náum að bæta við þriðja sigurleiknum á miðvikudaginn…

Það vita sennilega flestir að Þórunn átti afmæli á föstudaginn var og að sjálfsögðu gerðum við okkur glaðan dag, fórum niður í bæ og röltum þar aðeins um. Fórum svo og fengum okkur að borða á Café Norden þar sem Sigríður slóst með í för. Eftir matinn ákváðum við svo að skella okkur í bíó og fórum á danska mynd (það eina sem við gátum komið okkur saman um) sem heitir Kunsten at græde i kor sem er svört kómedía upp á danska mátann og var bara helvíti góð! Mæli allavega eindregið með henni fyrir alla þá sem eru ekki með fordóma fyrir dönskum myndum. Það sakaði ekki heldur að hún var meira að segja með dönskum texta því myndin gerðist á Jótlandi og þeir tala svo skrýtna tegund af dönsku að þeir skilja varla hver annan lengur… 😉

Auglýsingar

2 responses to “Mojn!”

  1. Skaffen-Amtiskaw says :

    Why, oh why, fórstu ekki bara með dekkið í viðgerð? Þ.e. tókst það af hjólinu og fórst bara með það 😀

    Og skilaðu afmæliskveðju til mágkonu minnar.

  2. Gudrun Lilja says :

    Ti hamingju með afmælið Þórunn!

    Puss och kram,
    Fjölskyldan í Forsölum

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s

%d bloggurum líkar þetta: